仔：「呀妈，个边有香印青提买呀！」
妈：「係播呀仔，快d过去试下。」
呢个时间，大阪黑门市场既街头上有好多个头同时间望住呢家人，
大家虽然无出声，但肯肯定心里都有句OS，「喂_， 香港人 嚟既。」
撰文/FB：贪玩空少安德鲁
香港人去旅行，最钟意就扮大支野，
明明平时翻工就鹌鹑咁款，
可能以为俾左钱就做皇帝，由上机个刻，
就觉得自己係一个有钱人，
係你有钱好把闭，但请麻烦有品。
香港人最叻就係唔执输，
行要行最快，野饮要拎最多，野食都要两个。
个d upgrade客，好似前世无饮过cappuccino同绿茶，
杯杯都打孖黎饮，拎住个menu，唔识读个英文字，就 ” I want this one this one and this one”，
可以劲厚颜无耻咁大声话，
男：「我要试哂menu上所有饮品！」
讲真，你有咁多把口咩？
识两句英文既，第一句一定係「One more?!」
我肯肯定见过有个男人，一开波就要两个餐，
仲要打包埋人地拎来饮果汁既胶杯仔，
男：「老婆呀，呢只杯真係好好嫁，拎多几只落左机有得用。」
都係个句，只要唔执输就可以，
饮要饮到尽，食要食到尽，拎都要拎到尽。
男：「仲有呀，大家记住食啲杯麵呀，真係好好好好好食嫁！」
其实，你前世无食过杯麵吗？
以为落左地，可以俾我抖下，
_，又係香港人。
其实，好容易就睇得出，边个係香港人，
去日本呢，就係个啲着住对New Balance，
背住个牛龟咁大既Nike爬山背囊，
然后拎住啲野食，一路行一路食，
十居其九都係香港人，香港人扫惯街麻。
如果个个人係条街大大声讲野，
肯肯定个个一定係香港人。
「咁老远都撞到香港人。」
香港人钟意去旅行既时候走入忘我境界，
以为广东话无人明，以为行街shopping无人应得出，
于是又会做好多匪夷所思既行为，令人好难理解。
明明日本个车厢好静，
每次我听到人大声讲野既，都係香港人，
係车厢拎住啲野食到好大声既，又係香港人，
拎住10鸠几袋战利品，去Starbucks到霸哂人地啲位野，亦係香港人。
仲有，烦请你地打电话真係唔好係车厢入面打，
真係大声到隔离车厢都听到。
香港人以为自己讲广东话就无人明，
香港人觉得自己识两句英文就好叻，好高尚，
Please，你啲英文真係fluent至好讲，唔好唔咸唔淡就讲，笑死人。
我听过无数次香港人对其他人评头品足，
又话人地着衫唔好睇，
又习惯大大声係食野既地方，评论啲野食好唔好食。
又见过个啲去grad trip既小朋友，
当左自己去日本玩ocamp，
_，尊重下人尊重下自己好唔好？
香港人去旅行，其实同蝗虫又有乜分别？
原文连结